உலக மயமாக்கல்!

விற்றே வாங்கலாம்

விற்க வந்தான் பரதேசி

விலை பேசினான் சுதேசி

படிந்தது பேரம்

கைமாறியது தேசம்

தலைமுறைகள் கழித்து

கண்ணீர் சிந்திக்

குண்டடிப் பட்டு

சிறையில் அடைந்து

கொடிகள் தூக்கி

உப்புக் காய்ச்சிப் போராடி

மீண்டும் நடந்தது

கைமாற்றம்

ஏன் சிரமமென்று

விற்றே வாங்கிட வந்திருக்கிறது

தற்போதிங்கு

உலக மயமாக்கல்

காகிதக் கப்பல்களும் கனவு தீவுகளும் கவிதைத் தொகுதியிலிருந்து
ஆக்கம் : வையவன்.